نيويارک کے بارے ميں کہا جاتا ہے کہ يہاں موسم کا کچھ پتا نہيںکب اُسکے تيور بدل جائيں بيگم کی طرح۔ ہا ہا ہا ۔۔۔۔۔ ميری ابھی بيگم تو نہيں ہيں تو آپ کہيں گے مُجھے بدلتے تيوروں کا کيسے پتا ہے۔ تو جناب ڈرامے ہيں نا کچھ ٹی وی پر کچھ حقيقی زندگی ميں تو تجربہ نہيں ہے ابھی مشاہدہ بہت ہے۔ بس آنکھيں کان کُھلا رکھنا چاہئے۔

لو جی بات موسميات سے بيگمات تک پہنچ گئی۔ کہنے کا مطلب تھا کہ نيويارک کے موسم کا بھروسہ نہیں اگر صبح دھوپ ہے تو کویٔ پتہ نہيں کب ابرِ کرم برسنا شروع ہو جاے تو نيو يارکر سب سے پہلے موسم کا حال سنتے ہيں کہ موسم کی مناسبت سے انتظامات کئے جا سکيں۔

آج صبح جب گھر سے کام کے ليے نکلا تو زور و شور سے برف باری جاری تھی اور دو گھنٹے بعد کڑاکے دار دُھوپ اور اُس کے بعد سارا دِن آسماں پر سرمٔی بادلوں کی اجارا داری رہی۔ ويسے مجھے برف باری کا منظر بہت بھلا لگتا ہے جب ہر طرف دُودھيا چادر سی پڑ جاتی ہے۔ ليکن ميرا زکام مجھے زيادہ دير تک اِس منظر سے لطف اندوز نہيں ہونے ديتا۔

ہمممم تو دو دن آنا نہیں ہو سکا تھا بلاگ پر پرسوں تو ميرے دوست آے ہوۓ تھے اور کل ويسے ہی جلدی سو گيا جو مہينے ميں دو ايک بار ہی توفيق ہوتی ہے۔ ابھی ميں نے اپنے بلاگ کے ليے ايک ٹيمپلٹ بنايا ہے مگر اُس کو ڈريم ووير ميں استمعال ميں کافی دشواری کا سامنا ہے۔ اگر کسی صاحب کو پتا ہو کہ فوٹو شاپ سے سلائس کس طرح ڈريم ووير ميں نصب کرتے ہيں تو براۓ مہربانی ميری کچھ مدد کريں کيونکہ ہوں تو ميں بھی جاٹ نا جس کا مطلب ہوتا ہے اجڈ اور ان پڑھ جِس کا تعليم سے کویٔ تعلق نا ہو

فی امان اللہ