یو فون نے پاکستان کے بعد اب امریکہ میں اپنی سروس کا آغاز کر دیا ہے، اور پردیس سے دیس ان لمیٹڈ کے عنوان سے اپنی اشتہاری مہم کا آغاز کیا ہے، فی الحال یو فون پاکستان ان لمیٹڈ پلان کے تحت تین پلان دے رہا ہے جو ۶۹ ڈالر، ۷۹ ڈالر اور ۸۹ ڈالر کے ہیں۔ تمام پلان میں امریکہ سے امریکہ اور امریکہ سے کنیڈا ان لمیٹڈ کال کی سہولت موجود ہے، میرے خیال میں سب سے اچھی سہولت جو یو فون دے رہا ہے وہ آپ کے گھر یا موبائل فون کو پاکستان کے لوکل نمبر سے میپ کرنا ہے، مطلب آپ کے فون کے لئے ایک عدد پاکستانی لوکل نمبر تجویز کر دیا جائے گا جس پر پاکستان میں رہنے والے آپ سے رابطہ کر سکتے ہیں البتہ یہ بات واضع نہیں ہے کہ آیا پاکستان سے اس نمبر پر کال کرنے والوں کے کتنے اخراجات ہوں گے؟ یو فون نے اپنی آمدن کا دس فیصد زلزلہ زدگان کی بحالی کے لئے مختص کیا ہے۔
یو-فون کا رابطہ نبمر ۱-۸۰۰-۸۹۰-۷۳۷۴ اور ۱-۸۶۶-۴۶۳-۳۳۰۱ ھے
نیویارک کے اردو اخبارات میں ویسے تو سب کچھ ہوتا ہے لیکن نیویارک یا امریکہ کی خبریں نہیں ہوتیں کیونکہ بی بی سی آن لائن اور جنگ آن لائن اور نوائے وقت آن لائن میں یہ خبریں نہیں ہوتیں، اور اردو اخباروں میں وہی خبریں موجود ہیں، لیکن پھر بھی سب اخباروں کا ایک عدد ایڈیٹر اور باقی سب کچھ بھی ہوتا ہے، پتہ نہیں وہ کونسی خبریں ایڈیٹ کرتے ہیں، ہاں البتہ اردو اخبارات میں تمام اشتہارات مقامی ہوتے ہیں جن میں سر فہرست کوئی بورے والا کے مشہور عامل اور کوئی بنگالی جادو گر جو پلک جھپکتے تمام مشکلات کا حل کرنے میں ماہر ہیں۔

لیکن آج میں نے پاکستان نیوز نیویارک میں ایک عدد رشتے کا اشتہار پڑھا ہے جو تمام اشتہارات پر سب سے بھاری ہے آپ بھی پڑھئے
ایک سنی مسلم بزنس مین کو نیویارک سے ایک دبلی پتلی لڑکی کا رشتہ درکار ہے، یا لڑکی شادی کے بعد لڑکی نیویارک سیٹل ہونے کی خواہش مند ہو، ذات پات کی کوئی قید نہیں، با اختیار اور فیملی دباو سے آزاد ہو، ڈرائیونگ لائسنس ہونا ضروری ہے، اچھا کریڈٹ ہونے کے ساتھ ساتھ انٹرنیشنل ٹریول بھی کرنا ہو گا، کمپیوٹرز میں مہارت لازمی ہے، مزید معلومات کے لئے فوری رابطہ کریں۔

اگر کسی کو واقعی رابطہ کرنا ہو تو کمنٹ میں لکھ دیں میں فون نمبر دے دوں گا۔