5 اپریل کو بروکلین میں سینکڑوں ہیسڈک یہودیوں نے ایک مظاہرہ کرتے ہوئے چھ مختلف مقامات پر آگ جلا کر ٹریفک کو معطل کئے رکھا، پولیس نے ایک اُدھیڑ عمر کے یہودي کو جو اپنے موبائل فون پر باتیں کر رہا تھا اور ساتھ گاڑي چلا رہا تھا کو روک کر جب اُس سے ڈرائیور شناختي کارڈ طلب کیا تو آرتھر شیکک نے ایسا کرنے سے انکار کر دیا اور ساتھ کہا ” تم کیا کر لو گے” جس پر پولیس آفیسر نے اُسے ہتھکڑي لگا دي، اور قریب کھڑے دو اور لوگوں نے پولیس کو روکنے کی کوشش کی، اس خبر کے علاقے میں پھیلتے ہي سینکڑوں یہودي سڑکوں پر نکل آئے اور کم از کم چھ جگہ پر آگ جلا کر ٹریفک کو معطل رکھا جس میں پولیس کی ایک گاڑي جلائي گئي، مظاہرین “No justice No peace” اور “Nazi Police” کے نعرے لگا رہے تھے،

ایم ایس این بي سي, نیویارک ٹائمز، نیویارک ڈیلي نیوز

اگر پولیس کسي کو قانون شکني پر پکڑے تو اس پر ایسا مظاہرہ چہ معني دارد؟ یہاں سب جانتے ہیں کہ پولیس اُس وقت تک ہي اچھا برتاؤ کرتی ہے جب تک اُن کو اُن کی مطلوبہ معلومات فراہم کی جاتی رہیں، اگر میں کوئي ٹریفک قانون کی خلاف ورزي کروں گا تو پولیس مجھ سے شناختي کارڈ طلب کرے گي اگر میں شناختي کارڈ نہ دکھاؤں تو پولیس کو حق ہے مجھے پکڑ کر باقي کي کاروائي کرے،

لیکن اگر فرض کیا جائے کہ ایسا کرنے والا کوئي یہودي کي بجائے مسلمان ہوتا اور آگ جلانے والے بھي مسلمان ہوتے تو کیا یہ خبر نیویارک کے لوکل اخباروں میں ہي صرف ایک دن کے لئے آتي؟ یا ڈینیل پائپ اس پر بھي ایک عدد تحریک چلاتا؟