نعرہ ساڈا عشق اے۔

Tuesday,3 April 2007
از :  
زمرات : پنجابی, موسیقی

ابرار الحق اُنہاں گلوکاراں وچ شامل اے جنہاں دے نئے گیتاں دا مینوں صرف چاہ  رہندا اے بلکہ ساریاں توں پہلاں میں اُنہاں دے البم خریدنا واں۔ پر ایس واری ابرار دا نواں البم مینوں کُج پسند نہیں آیا، سوا تِن چار گیتاں دے باقی سارے گیت گزارے لائق وی نہیں ہیگے، مطلب اِک واری سُن لو تے دوجی واری سُرنڑ نوں دِل ای نہیں کردا۔

ابرار دے گیتاں وِچ جہیڑی ساریاں نالوں چنگی گَل مینوں لگدی اے اوہ اُنہاں دے بول نے تے خاص کر اوہ بول جہیڑے بیک گراونڈ وچ کسے دوجے کولوں آکھوائے جاندے نے، مثلاً ایس البم وچ نعرہ ساڈا عشق اے دے گانے وچ جدوں ابرار گاوندا اے کہ سولاں تو اٹھایاں تک پیار والی رینج اے ،  تے فٹ ای بابا جی دا پُچھنا کہ "پُت بابیاں دا کی بَنُو؟ " its halarious ، ہمیشہ ابرار دے گیتاں وچ مزاح تے اِک بے ساختہ پن مینوں انہاں ول مائل کردا اے، پر ایس نوَیں البم اچ ایسے مزاح پن نوں بالکل ہی ایس طرح بنا دِتا اے کہ اوہ حقیقت توں بہت دُور لگن لگ جاندے نے، نالے میرا پاکستانی گلوکاراں نال اِک پُرانا شکوہ ایہہ وی اے کہ جدوں تُسی اِک فوک میوزک یا لوک دھن وِچ گاندے اوہ تے لوک موسیقی دے ساز استعمال کردیاں ڈردے کیوں او؟ پنجابی گیتاں اچ جہیڑا لطف ڈھول نال اے اوہ اِک ویسٹرن ڈرم نال پیدا نہیں کیتا جا سکدا اے، ساڈے گوانڈی ملک دے وِچ جہیڑا وی پنجابی گیت آوندا اے ڈھول اُوس دا اِک لازمی حصہ اے اور اوہو گیت پوری دُنیا چے بھنگڑے دی پہچان بن جاندے نے۔

Any way ابرار نے اپنی روایت قائم رکھدے ہویاں اِک ہور کُڑی دا ناں وگاڑ دِتا اے، ہنڑ پتہ نہیں "پروین" اُتے کِنیاں لڑائیاں ہوون گیاں emoticon  ۔ جہیڑے گیت مینوں چنگے لگے نے انہاں تے رانو، نعرہ ساڈا عشق، ماں، تے جٹ emoticon شامل نے، ساریاں توں نکما گیت مینوں پتلی جیہی لگیا اے، دوجی گل کہ ابرار دے مُنہ اُردو گیت کُج چنگے نہیں لگدے یا فہر شائد میرا ابرار واسطے اِک ما،ئنڈ سیٹ اے جہدے اچ اُردو فِٹ نہیں آوندی، اُنج وی مینوں ایس البم وچ شامل اردو گیت کسے ہور گیت دا چربہ لگدا اے۔

میں یہاں صرف اپنی پنجابی ٹیسٹ کر رہا تھا کوئی اب اِسے دل پر نہیں لے لے کہ میں کتنا متعصب ہوں کہ اردو بلاگ میں پنجابی لکھ رہا ہوں emoticon۔

خیر نعرہ ساڈا عشق دی ویڈیو بُری نہیں ہیگی so enjoy emoticon

تبصرہ کیجئے

اس بلاگ پر آپ کے تبصرہ کی حوصلہ افزائی کی جاتی ہے
اگر آپ اپنے تبصرہ کے ساتھ تصویر لگانا چاہتے ہیں، تو یہاں جا کر تصویر لگائیں ۔