بُلھے شاہ ۔

Sunday,22 April 2007
از :  
زمرات : پنجابی, میری پسند, مذہب

پنجابی زُبان کے بارے میں اکثر لوگوں کی رائے اچھی نہیں، غیر پنجابی تو ایک طرف خود بہت سے پنجابی اِس بات کو دُرست مانتے ہیں ، اور جب اُن سے کوئی اِس بد تمیز زُبان کی تفصیلاً بد تمیزیاں پُوچھنا شروع کر دے تو یہی کہا جاتا ہے، جتنی گالیاں پنجابی میں ہیں اور کِسی زُبان میں نہیں وغیرہ وغیرہ ۔ اب میں اِس بات پر کیا کہوں؟ کیونکہ گالیاں تو عربی میں بھی ہیں جِسے آپ بہت مقدس سمجھتے ہیں؟ میرا کہنے کا مطلب یہ ہے کہ بُری زبان نہیں ہوتی انسان ہوتا ہے، اور غلیظ انسان جونسی زبان بھی استعمال کرے وہ غلیظ الفاظ بولے گا، ویسے میرے ذاتی خیال میں دشنام طرازی میں جو ملکہ انگریزی کو حاصل ہے شائد ہی کوئی زبان اِس کی ہمصری کر سکتی ہو۔ اب یہ بولنے والے پر ہے وہ کیسی انگریزی بولتا ہے، اور سلینگ میں انگریزی بولنے سے انگریزی زبان بُری نہیں بن جاتی تو پنجابی کیسے بُری بن جاتی ہے۔
خیر بُلھے شاہ کا نام کسی تعارف کا مُحتاج نہیں ہے، ذیل میں اُن کی شاعری کے کچھ ٹُکڑے جو مجھے پسند آئے ہیں پیش ہیں، اِن کی زبان میرے خیال میں انتہائی آسان ہے اور اُردو سمجھنے والے ٓسانی سے سمجھ جائیں گے۔

پڑھی نماز تے نیاز نہ سِکھیا
تیریاں کِس کَم پڑھیاں نمازاں
علم پڑھیا تے عمل نہ کیتا
تیریاں کِس کَم کیتیاں واگاں
نہ کَہر ڈِٹَھا نہ کَہر والا ڈِٹَھا
تیریاں کِس کَم دِتیاں نیازاں
بُلھے شاہ پتہ تَد لگ سی
جدوں چِڑی پَھسی ہتھ بازاں

کھا آرام تے پڑھ شکرانہ
کر توبہ ترک ثوابوں
چھڈ مسیت تے پکڑ کنارہ
تیری چُھٹے جان عذابوں
نہ کہو کلمہ جہیڑا کہندا مُنکر
وے تو ہو روں اِک ثوابوں
بُلھے شاہ چل اُتھے وسیے
جِتھے منع نہ کرنڑ شرابوں ۔

سِر تے ٹوپی تے نیت کھوٹی
لینا کی سِر ٹوپی تَرھ کے؟
تسبیح پھِری پر دِل نہ پھِریا
لینا کی تسبیح ہتھ پَھڑ کے
چلِے کیتے پر رب نہ ملیا
لینا کی چِلیاں وِچ وَڑھ کے
بُلھے شاہ جاگ بِنا دُدھ نہیں جمندا
پانویں لال ہووے کڑھ کڑھ کے ۔

پڑھ پڑھ عالم فاضل ہویا
کدے اپنڑے آپ نوں پڑھیا نہیں
جا جا وَڑدا مسجداں مندراں اندر
کدی اپنڑے اندر توں وَڑیا ای نہیں ۔
ایویں روز شیطان نال لڑدا ایں
کدی نفس اپنڑے نال توں لڑیا ای نہیں
بُلھے شاہ اسمانی اُڈدیاں پھَڑدا ایں
جہڑا کہر بیٹھا اونوں پھڑیا ای نہیں ۔

تبصرہ جات

“بُلھے شاہ ۔” پر 11 تبصرے کئے گئے ہیں
  1. بدتمیز says:

    واہ جی سپیڈیں
    ایک دن میں دو دو پوسٹس
    سر روزانہ ایک پوسٹ اب ضرور کریں

  2. آپ جانتے ہیں کہ مین ایک “پپو بچہ” ہوں . اور بچے غلطیاں کرتے ہی رہتے ہیں . کم از کم ذہنی لحاظ سے میں ابھی تک بڑا نہیں ہوا . کچھ نہ کچھ سیکھتا ہی رہتا ہوں . پنجابی زبان اور دیگر کئی معاملات میں میرے خیالات یکسر بدل چکے ہیں . پرانی باتیں کرنے سے پرہیز کیجیے .
    شکریہ
    😛

  3. بلھے شاہ، وارث شاہ ، اور باہو صاحب کا کلام کیا بات ہے. میں نے والد صاحب کی مدد سے پڑھنے کی کوشش میں مصروف ہوں آج کل……

  4. جیسا کہ بلہے شاہ نے کہا کہ آسمان پر اڑتے پرندے پکڑتے ہو کبھی گھر بیٹھے پرندےکو بھی پکڑ کر دیکھو یعنی آپ والی بات درست ہے کہ زبان بری نہیں‌ہوتی انسان کے سینے میں‌چھپے احساسات برے ہوتے ہیں‌اور اگر ہم اپنے اندر کے شیطان کو قابو کرلیں‌تو ہرزبان شیرٰیں لگے گی۔

  5. عبداللہ says:

    یہ کسی جاہل نے ہی کہا ہوگا کہ پنجابی زبان اس لیئے بری ہے کہ اسمیں گالیاں ہوتی ہیں،
    بھیا ہمیں تو یہی سکھایا گیا ہے کہ زبانیں ساری اللہ کی جیسے مخلوق ساری اللہ کی،
    پڑھی نماز تے نیاز نہ سیکھیا
    تیریاں کس کم پڑھیاں نمازاں
    علم پڑھیا تے عمل نہ کیتا
    تیریا کس کم کیتیاں واگاں

  6. انگریزی پر بھی یہ بس الزام ہی ہے .. ہاں جب سے یہ امریکن لوگوں کے ہتھے چڑھی ہے انہوں نے اسکا بینڈ بجا دیا ہے اور اب تو اللہ معاف کرے بہت سے الفاظ کو گالی سمجھا ہی نہیں جاتا بلکہ بازار سے نکل کر دفتروں تک میں داخل ہوگئی ہے.. لہذا یہ مقدمہ درست ہے کے زبان کا قصور نہیں یہ تو الفاظ کی ترتیب بنانے والے پر ہے کہ وہ چاہے ہیر رانجھا بنا دے یہ پھر بیہودہ لفظوں کا انبار.. بلھے شاہ کی شاعری میرے لیے اتنی مشکل ہے جتنا شیخ سعدی کا کلام چناچہ اس پر کچھ کہنے سے پہلے سمجھنے کی کوشش کروں گا.

  7. SHUAIB says:

    مجھے بابا بلھے شاہ بہت پسند ہیں اور انکے کلام کو جب نصرت فتح علی خان گاتے ہیں تو اور بھی اچھا لگتا ہے

  8. قدیر تم اپنا ذکر یہاں کہاں سے لے آئے درمیان میں ؟
    شعیب صفدر : کلام باہو ہمارے پاس گھر میں پڑا ہے اور جب میں نے اسے پہلی بار پڑھنے کی کوشش کی تھی تب مجھے اندازہ ہوا تھا کہ ہمیں پنجابی لکھنی اور پڑھنی نہیں آتی ہے.
    افضل صاحب یہی تو مسکل ہے، انسان کو دوسروں کی برائیاں تو نظر آتی ہیں، لیکن اپنا دامن کوئی نہیں دیکھتا ہے .
    عبداللہ آپ نے اوپر جاہل کا تبصرہ پڑھ لیا ہے کہ نہیں ؟
    راشد آپ کی بات درست ہے کہ کئی الفاظ اتنے بکژت استعمال کئے جاتے ہیں کہ ان کو اب برے الفاظ کی بجائے عام بول چال کا ہی حصہ سمجھا جاتا ہے، میں شاعر نہیں اگر ہوتا تو ان اشعار کا ترجمہ کرنے کی اپنی سی کوشش کر سکتا تھا.
    شعیب آپ کی بات بالکل درست ہے اوپر والے تمام اشعار نصرت کی ہی ایک قوالی میں استعمال کئے گئے ہیں .

  9. بدتمیز says:

    شکر کریں خود ہی سب کو جواب دے دیا ورنہ میں سب کو اپنے تبصروں سے رات نوازنے ہی والا تھا
    نصرت کی قوالی کا ذکر ہے تو یو ٹیوب سے لنک ہی ڈھوند کر ساتھ لگا دیں. نہیں تو میرے لئے تو کم از کم ڈھونڈ ہی دیں ::P

  10. یہ ایک گھنٹے سے زیادہ کی قوالی ہے، میں اگر لگا دوں گا یہاں تو ڈائل اپ والوں کا ستیا ناس ہو جائے گا . اور تمہارے لئے میں تمہیں ای میل کر دیتا ہوں .

  11. قیصر says:

    یہ اردو کی سب سے بڑی سائٹ ہے اس میں تازہ ترین خبریں‌، اردو کتابیں ، مضامین ، کہانیاں ، ناول ، افسانے ، لطیفے ، پہیلیاں ، اردو شاعری ، آپ کی شاعری ، اردو خبریں ، فری اردو کتابیں ، نظمیں ، نعتیں اس کے علاوہ اور بہت کچھ ہے آپ بھی مطالعہ کریں۔

تبصرہ کیجئے

اس بلاگ پر آپ کے تبصرہ کی حوصلہ افزائی کی جاتی ہے
اگر آپ اپنے تبصرہ کے ساتھ تصویر لگانا چاہتے ہیں، تو یہاں جا کر تصویر لگائیں ۔