میرے بلاگ کے اس ٹمپیلیٹ میں آپ کو کیا خامیاں نظر آ رہی ہیں؟ میں چونکہ خود اوبنٹو لینکس استعمال کرتا ہوں اس لئے جب میں نے یہ ٹیمپلیٹ بنایا تو اوبنٹو پردستیاب براؤزرز پر ہی اس کو آزماتا رہا، لیکن اپ لوڈ کرنے بعد انٹرنیٹ ایکسپلورر پر دیکھا تو بظاہر دو خامیاں جو کہ فوراً نظر میں آتی ہیں، ایک بلاگ کے ہیڈر میں اور دوسری سائیڈ بار میں۔ ہیڈر میں جو نیوی گیشنل اِمجز ہیں وہ درست نظر نہیں آتے بلکہ انتہائی بُدے نظر آتے ہیں، دوسرا ہیڈر کا سائز بھی تھوڑا بڑھ جاتا ہے۔ اور چونکہ میں کوئی پروفیشنل نہیں ہوں اور جو تھوڑی بہت سمجھ بوجھ مجھے سی ایس ایس اور ایچ ٹی ایم ایل کی ہے، اُس کی مدد سے اگر میں اِن غلطیوں کو دُور کروں تب فائر فاکس اور اوپرا جو کہ میں استعمال کرتا ہوں اُس میں صحفہ دُرست نظر نہیں آتا ہے۔
اگر بلاگ کو انٹرنیٹ ایکسپلورر پر دیکھیں تو سائیڈبار کا بایاں حصہ جو کہ میں نے انگریزی کے لئے بنایا ہے اور اُس میں آرکائیوز اور دوسرے انگریزی روابط ڈالے ہیں وہ صحفے کے نیچے چلا جاتا ہے، اِس کی وجہ دونوں ذیلی سائیڈبار کا آپسی فاصلہ یا مارجن ہے۔ اس وقت صحفہ کی چوڑائی آٹھ سو پکسلز ہے، اِس کو بڑھا کر اس خرابی کو دُور کیا جا سکتا ہے لیکن میں صحفہ کی چوڑائی بڑھانا نہیں چاہتا، ایسی صورت میں دونوں ذیلی سائیڈ بارز کا درمیانی فاصلہ کم کر کے بھی نتائج حاصل کئے جا سکتے ہیں۔ لیکن اصل مسلہ یہ بھی نہیں ہے اگر میں سائیڈبار میں صرف روابط ڈالوں تب انٹرنیٹ ایکپلورر اور فائرفاکس دونوں میں دُرست نظرآتے ہیں۔ لیکن جب میں لسٹ ڈالوں تو انٹرنیٹ ایکسپلورر میں صحفہ نیچے چلا جاتا ہے حالانکہ لسٹ سٹائل میں مارجن صفر اور پیڈنگ بھی صفر ہے۔
تو ان سب خامیوں کا حل جو میں نے ڈھونڈا ہے وہ یہ ہے کہ اگر آپ انٹرنیٹ ایکسپلورر سے میرا بلاگ دیکھیں تو ایک عدد درخواست نما دھمکی ڈال دی ہے کہ آپ بہتر اور مخفوط براؤزر کا استعمال کریں۔
اس خامیوں کے علاوہ اگر آپ کو کوئی اور خامی نظر آئے تو آپ مجھے وہ بھی بتا سکتے ہیں،اور اگر اوپر بیان کردہ خامیوں کا کوئی حل آپ کے پاس ہے وہ بھی براہ کرم بتا دیجیے۔